EN YAHŞISINDAN ÖĞRENEMİZ!

BIRLIK School qırımtatar litseyi – balanıñ intellektual, fizikiy, maneviy ve içtimaiy inkişafı içün zemaneviy tasil merkezidir.

Mektepteki oqutuv programması ve terbiyelev faaliyetleri talebelerniñ vetan sevgisiniñ, milliy menliginiñ inkişaf ettirmesini; tuvğan tilge, medeniyetke, ananelerge saqt munasebetniñ şekillenmesini; etrafımızdaki dünyanıñ yahşılaştırılmasına isse qoşmaq mesüliyetine temel qoymasını maqsad tuta.

Ve ebet, Qırım – Ukrayinadır! ♡ ♡

Baqış

Balanıñ bilgi meraqlarını temin etken, icadiy şahsiyet yetiştirgen, ertaraflı intellektual, icadiy, maneviy, fizikiy inkişafına, milliy ve dünya modelleriniñ bütün çeşitliginden medeniyet ve maneviyatnıñ çoğaltmasına şarait yaratqan bir tasil alanı olmaq.

Maqsatlar

İntegral köstergiçlerge köre memleketniñ eñ yahşı tasil müessisesi seviyesine yetmek
Eki tilli STEAM oqutuvınıñ örnek mekânı olmaq
Halqara işbirlik ve talebe deñişüvi sistemasını yaratmaq
Yaqın 3-5 yıl devamında müessiseni akademik seviyege ketirmek
Yaş ocalar içün istidatlarnıñ idare sistemasını yaratmaq

Degerlikler

Umuminsaniy degerlikler
Etnik, medeniy, vatandaş ve universal kimlik ve çeşitlilik aqqında malümatlılıq
Bala esaslığı ve balağa sistemli yanaşma
Kelecekke baqış (yalıñız keçmişke degil, em de kelecekniñ qurulmasına aktsent)
21-nci asırnıñ mütehassıslarğa ihtiyaclarını diqqatqa alğan ihtisasiy oriyentatsiya

İMTİYAZLARIMIZ



BILINGVAL TASIL

Oqutuv STEAM usulınıñ qullanuvı ile ukrain ve ingliz tillerinde alıp barıla



İCADIY STUDIYALAR

Programmirlev, ressamcılıq, ilmiy klublar, aktörcılıq ustalığı, soft skills



BUTÜNLEY İNKİŞAF

Balanıñ garmonik fizikiy, maneviy, içtimaiy ve intellektual inkişafı

MEKTEP AQQINDA BİLGİLER



Mekân

Mektep Birlik qırımtatar medeniy merkeziniñ territoriyasında yerleşken



Mektep tipi

І – ІІІ basamaqlı, onlayn ve offlayn oqutuvnıñ imkânı olğan özel oquv müessesesi



PROGRAMM

STEAM, Cambridge, Oxford ve diger zemaneviy usullarğa yönetilgen devlet tasil programması



TERBİYE

İslâm dininiñ güzel ahlâqına ve umuminsaniy qıymetlerge esaslanğan terbiyeviy kontsept. Er bir gruppanı rehber eşlik ete.



BESLEME

Mektep aşhanesinde eki kerelik (üylelik ve ekindi aşı) taze malzemelerden azırlanğan yemek. Menü mektep ilâvesinde mevcuttir.



CEDVEL

Mektep tatiller ve devlet bayram künlerinden ğayrı, bazarertesinden cumağa qadar saat 08.00-19.00 tolu kün çalışa.